Pregunta i kontesta
Aki bou tin algun pregunta hasí dor di muchanan, mayornan, dosentenan i empresarionan. Di bo no t’ei? Tuma kontakto ku nos.

Ken ta haña e Buki di Pret?
Kada mucha ku ta bai un skol básiko ta haña Buki di Pret. E no ta pa turista òf otro bishitante. Na Aruba muchanan di skol básiko ta haña Buki di Pret tambe. Na Suriname, District Nickerie, tur mucha di skol básiko ta haña Buku gi Pret.

Mi por kumpra Buki di Pret pa un amigu òf famia?
Nò, e buki ta solamente pa muchanan ku ta na skolnan básiko di Boneiru.

Kon mi por haña un Buki di Pret?
Den e último siman di skol ta parti Buki di Pret den kada klas na tur e ocho skolnan básiko. Si un mucha no ta presente, ta laga e buki atras serka e maestro. Si abo no tin bo buki ainda, puntra na skol.

Tur aktividat ta pa tur mucha?
Buki di Pret ta pa tur alumno di skol básiko, di grupo 1 te ku grupo 8. Pa algun aktividat e provedor a pone un límite di edat. E límite ei Buki di Pret tambe ta mantené.

Dikon e yama Buki di Pret?
Henter e buki ta bi-lingual: Papiamentu i Hulandés. Nos a skohe un kombinashon pa e título. “Buki di” ta Papiamentu i “Pret” ta Hulandés.

Semper mi mayornan/ tutornan tambe mester bai?
Esaki ta varia pa aktividat. Tin bia ta nesesario pa tin un adulto komo guia. E ora ei ta menshoná esaki den e buki. Si bo ke sa sigur, tuma kontakto ku e provedor di e aktividat.

Dikon ta solamente pa muchanan di skol básiko?
E aña aki nos a skohe pa hasié solamente pa muchanan di skol básiko. Pa fakansie di Kerst 2018 nos trese un Buki di pret spesial na SGB, ma e alumnonan tabatin no interesa.

Mi a pèrdè mi Buki di Pret. Mi por haña un nobo?
Lástima no a traha buki di reserva. P’esei ta bisa ora ku parti e buki pa skirbi bo nòmber un bes ariba i pa ward’é bon.

Dikon muchanan di SGB no ta haña buki?
E aña aki nos a skohe pa hasié solamente pa muchanan di skol básiko. Pa fakansie di Kerst 2018 nos trese un Buki di Pret spesial na SGB, ma e alumnonan tabatin no interesa.

Den kua periodo Buki di Pret ta bálido?
E ofertanan ta bálido durante fakansi grandi. Den 2024 esei ta di djabièrne 5 di yüli te ku djadomingu 18 di ougùstùs.

Den kada fakansi ta bini un buki asina ku ofertanan?
Ku plaser. Buki di Pret ta bálido durante fakansi grandi. Posiblemente nos por traha un buki asina tambe pa den otro fakansinan manera: Regata, Pasku òf karnaval.

Kuantu ehemplar di Buki di Pret tin?
Tin 2450 mucha ku ta bai skol básiko na Boneiru. P’esei a traha 2450 buki i algun èkstra pasobra kada kompania ku ta partisipá ta haña un ehemplar.

Mi ta empresario i mi tambe ke un Buki di Pret.
Hopi bon. Naturalmente bo ta bonbiní pa e otro edishon. Tuma kontakto libremente ku nos.

Mi por pone aviso den Buki di Pret?
Den e edishon di 2024 no a pone aviso komersial. Den konsulta nos por disidí ku ta deseá pa pone aviso den e siguiente edishonnan. Tuma kontakto libremente ku nos.